Nafs ki tughyaani se jo baalatar hogyaa
Wallah wo zamee'n ka be-misl bashar hogyaa
Nafs k dhoke me jo uljhi kaayenaat
Har simt mehshar sa manzar hogyaa
=================================
Duniyah mafiha se beniyaaz karde
Elahi jahane Ishq me umrdraaz karde
Fanaye qalbi ho haasil kuch iss tarah
Noore Imaani se zindegi sarfraaz karde
================================

Chand sikke jeeb se kaya gir gayaa
Mai to misl-e-banjar zamee'n bangya

Ghurbat me na thi himmat k toud deti
Apnon se khali ghar kamzoor kar gaya

===================================

Nafrat k karobar me woh ayaa'n ho chuke
Har nazar me ab woh giraa'n ho chuke
Kiyon kehte hon usy Hindu or Musalma'n
Insaa'n Nahi woh to hewaan ho chuke
====================================
Meri Bu'udat ko maghruriat samajh lete ho
Aye mohsin ! berukhi se kalijaa cheer dete ho
====================================

Yaar suno! nafrate phelaya na kro
Sham o saher aag lagaya na kro
Tumhari tapish se sulagti hai kaainat
Leke phool dil me khanjar utara na kro

Mazloom roohen aaj karah uth ti hain
Chehraye maseeh me qatil aye huye
Khoon ki holi khel kar bhi naa aye baaz
Jo aaj thakt o taaj k malik bane huye

Zad me ayega maka'n tumhara bhi ek din
Mazloomon ki aahen layegi rang eek din
Tinka tinka sheraaza bikhar jaayega
Raho muntazir musibat aayegi ek din

====================================

Shohrat ki sasti bhook k piche
gawain he jo qeemti zindegi
safaye hasti me nahi nisha'n koi
Jinse chhooti he rabb ki bandegi

======================================

Yeh qaid-o-band ki saubaten

Yeh qaid-o-band ki saubaten
Yeh pabandiyon ki aadaten
Yeh apnapan ki bandishen
Yeh dil-o-jaan ki ranzishen
Yeh tarz-e-takallum ki laghzishen

Khudaaya!
ab ub gaya hai qalb-o-jaan
Parda ab yeh dil se hata

Jeene de chand sayaten
Milne de kuch rahaten
Chalne de khuli fiza me ab

Jaam se jaam takraane de
Pathar ko bhi toot jane de
Sailaab ya andhi aane de
Jeene de ab jeene de ab jeene de

Mahe Rabiul Aow-wal Midhat-e-Huzoor Sallalahualaihiwasallam

Araha hai paak Mah-e-Rabiul Aow'wal
Rasulon ka Imaam khatimul Payambar
Ghulamon ki hai Ijaazat Eid manaye
Farishton k sath bhi hai Awwal-o-Aakhir

Tamam kainaat aaj masroor kiyon hain
Charinde parinde aaj maghroor kiyon hai
Kiyon hai har simt me shaadmani ka ujala
Har ek zarr-e-zameen ka mashkoor kiyon hai

Kaoun-o-Makan Aaj tashreef la rahe hain
Aashiqon ka jaanan tashreef la rahe hain
Har zarre zameen ko aaj tum ujala kardo
Mehboo-e-Kibria aaj tashreef la rahe hain

Hamdo-n-Sana me raho mashghool Ghulamon
Khaliq-e-Kainaat ko manzoor hon Ghulamon
Ratbul lisan rahen keh Aaqa aarahe hain
Midhat-e-Nabi me masroof hon ghulaamon

Aaqa ki aamad hai kaho marhaba tum
BAQI! Iblis ki tarah na bano mardood tum
Padhte hain Khuda khud Salaam jis nabi par
Ho jao Rabb-e-Paak or Farishton k sath tum

Yuh to ayaan sabkuch hai iss zubaan par

Yuh to ayaan sabkuch hai iss zubaan par
Dil bhi mutassir hai nayen bhi ashk-baar
Magar keya rakha hai zebaish-e-alfaaz me mehboob
Kaghaz k phool ko na kabhi khushboo muyassar

Chubhta hai Dil me jab haqa-iq key khanjar
Sochta hun keh Qatil hou! ya hou dilwar
Kehte ho jaana kiyon chahte ho meri barbadi
Azm hai k mumkin hi nahi baat hon hawaa-par

Kya Naaz-o-Ada se krte ho aitemaad ko ghayel
Jab keh sadi se tum meri mohabbat ke ho qayel
Guftaar-e-bebaki me zara aehteyat barto meri jaan
kiyon k tafreeq-e-dil-o-zuban se dil hoga na mayil

Be-wafa tum bhi nahi ba-wafa hum bhi nahi

Be-wafa tum bhi nahi ba-wafa hum bhi nahi
Mai ziddi hun magar tum kuch kam bhi nahi

Kabhi Ulfat ko tum meri samjhe hi nahi
Magar shikwa nahi koi shikayat bhi nahi

Wasoolon pe aksar tum marte hi rahe
Magar dil pe tawajjoh kabhi ki hi nahi

Qasoorwar tum bhi nahi beqasoor mai bhi nahi
Mohabbat karne ki khata so tumne ki hi nahi

Mai kuch na khun tum ko tum sunogy bhi nahi
Ilzaam-tarashi ki meri koi aadat bhi nahi

Tum khush raho sada jahan bhi ho kahin
Apni duaon me mujh ko yad rakho na sahi

Waqt ka ye mejaz kabhi yaksa rahta hi nahi
Be-wafa tum bhi nahi ba-wafa hum bhi nahi

Teri hifazat me nakaam main aaj bhi hun

Teri hifazat me nakaam main aaj bhi hun
Aye dil tu dil hi hai manta aaj bhi hun
Kisi ko Jaleel kisi ko Zaleel kiya hai tune
Tu hakim mai mehkoom manta aaj bhi hun

Muddat ki jang me tujh se aaj har gaya
Kahan tak ladhun tanha tujh se har gaya
Meri aarzoo na kuch kaam aa saki Aye dil
Barson ki aas aaj toot gai mai har gaya

Ajeeb shaye hai tu sab me basta hai
Charinda ya ho parinda sab me basta ha
Karta hai salf quwwat ata karta hai parwaaz
Mai dekhun tera khouf sab me basta hai

Elahi hai har shai pe teri qudrat-e-kaamil

Elahi hai har shai pe teri qudrat-e-kaamil
Mujh nutf-e-napaak ko be-niyaaz karde
Na chhor dil-e-danish ko apni fahem par
Apni rahmat se meri zabt ko sarfraaz krde  

Na chhute daman-e-sabar hath se

Elahi mazeed thoda sa aor sabar ata kar
Hasrate hain unke sath mera hashar atakar

Tera hi sahara hai baqi sab na-ummeed
Unki dua me kuch aisa asar ata kar

Meri na sahi par unki tu sun le Ya Rabb
Ab waqt hain meri mohabbat ka ajar ata kar

Mai hi kafi hun unki ulfat me tadapne kelea
Unka tamaam dard-o-gham ahqar ko atakar

Elahi mai unka na sahi magar wo to meri hai
Wo sada khush rahe aisa muqaddar ata kar

Mai dam-e-aakhir tak unki khair mangta rahunga
Elahi bas unhain unke rishte pe aitebaar ata kar

Wo meri na ho saki magar koi gila qatai nahi
Elahi unhain unki zindegi ka qamar ata kar.

Mehrumi-e-muhabbt se unko bacha le Ya Rabb
Nakam na hon, unhain tu zeest-e-behtar ata kar

Mere dil me unki mohabbat rahegi ta-yaat magar
Aye zindegi! meri yaad se unko zara bhi preshaan na kar

Halawat-e-Iimani se mujh ko musharraf karde
Ya Rab!Ism-e-Muhammadi ka mujh ko Ahraaf karde

Ana ki tapish me jhulasti he meri salahiyaten
Ya Rab! Nafs ko rakh zeer aor qalb ko zabar krde

Zoor-e-shehwani se sharm-saar hai mere aousaaf
Ya Rab!Quwwat-e-Bandegi ka mujh me izaafa karde

Elahi Mai laakh bura sahi magar banda hun tera
Bandegi se na rahun ghafil fann-e-touba ata karde

Badi maherban hai shab-e-furaqat teri aaj
Jo bhi likh raha hun shayeri ho rahi hai

Tu mere muqaddar me nahi ye aor bat hai
Magr sarapa tu meri chahat hi chahat hai
Naseeb ka likhne wala "qudrat hai orna
Likh deta k tu hi meri qismat ki rahat hai

Na mita saka mai qismat ki un-chahilakeeron ko
Ajnabi ko apnaya magar na bhulpaya kuch chehron ko
Ajab khel hai ankhmacholi taqdeer aor datveer ka
Qismat k agy be-bas hun ye kaise kahun yaron ko

Asmat ki be-parwah Be-aabroo ho kar aie hai bhari mehfil mai
Kehti hai nazr-e-bad ki khataa na krna yaron e izhar-e-aazadi hai

Are suno na please kuch waise keh do
Rahat-e-qalb-o-seena me kuch aisa kar do
Na kro sada-e-haq ko ayan izhar-e-ulfat me
Tadapti rooh ko qarar ajaye kuch waisa krdo

Teri talab mai maine har past ko bala jaana
Tujhe bhulne ki talqeen ko chahat ka sila jaana
Tujh ko kya khabar k aye jaan-e-tamanna meti
Aasan hai rooh ki parwaaz magr zabt ko aala jana

Kitni mushkil hai dil ko rook pana Aye baqi
Thak gaya tere Ishq pe parda dalte dalte

Teri Khwahish-e-ulfat me ye dil mafaad-parast ho gaya
Mere seene me dhadakta hai magar be-behra ho gaya
Meri taqaddus ki pamali me raha pesh-raft hardam
Qasoor iska nahin hai yaroo mai nafs-parast ho gayaa

Gar Hai Ishaq to Tarz-e-Takallum Sikh Le piyaare
Yeh Chand Lamhon Ki Be-Qarari Muhabbat nahin hoti

Muthi bhar farebiyon se na chahiye sanad deshbhakt ki
Aaj azad hai hindusthan sab dain hai Ulama-e-Millat ki

Tujhe dhundta hun har soo aye be-rahem
Magar tere lea to sirf gayer hai ahem
Meri kahan hogi qadar tujhko aye jaan-e-jaan
Muhabbat k khatawar pe koun karta hai rahem